– Svingte unna ein katt

Bildeserie:

1 av 5

Rundt klokka 20.10 torsdag kveld var det ei noko spesiell utfokjøring på Byvegen, ein bil hamna over autovernet og på tvers mellom autovernet og fjellveggen mellom Best-stasjonen og Stegen.

– Eg svingte unna ein katt, fortel føraren, som kom uskadd frå uhellet.

Føraren, ein mann i 40-åra, var åleine i bilen då den hamna utfor vegen.

Bilen, ein mindre Volkswagen, ser ut til å ha segla på autovernet for så å ha kjørt opp langs fjellsida retning Os sentrum før den stilte seg på tvers på gang- og sykkelvegen.

– Heldigvis var det ikkje folk på fortauet, seier føraren.

Politiet har rutinemessig testa føraren for promille.

– Vi har ikkje mistanke om promille. No vil vi bruka bilda og avstandar og vurdera kva som blir gjort vidare. Det ser førebels ikkje ut som om vi tar beslag i førarkortet, seier politibetjent Therese Berentsen.