Takka osingane

På ein pressebrief onsdag ettermiddag takka lensmann Rasmus Dalen innbyggarane for hjelpa i samband med etterforskninga av drapet på Hilda Feste 1. nyttårsdag.

- Det har vore eit intenst arbeid fram til i dag.

- Eg vil nytta høvet til å takka lokalbefolkninga for eit godt samarbeid, opna lensmannen pressebriefen med.

- Dei har støtta politiet i arbeidet og kome med informasjon som vi har brukt i etterforskninga.

Gjennom etterforskninga har politiet fått fleire hundre tips. Dalen gav også honnør til Kripos og resten av Hordaland politidistrikt.

- Vi har gjennom pågripinga kome til ein milepæl i etterforskinga, slo lensmann Rasmus Dalen fast.

Held fram med uforminska styrke

Etter at politiet tysdag kveld greip ein 18 år gamal gut og sikta han for foresetteleg drap på Hilda Feste.

- Vi justerer no etterforskinga ut frå den nye situasjonen.

- Etterforskinga held fram med full styrke. Dei etterforskarane som er her i dag blir med vidare, avslutta Dalen.

Den sikta guten vil bli framstilt for varetektsfengsling i løpet av førstkomande fredag.