Tapte på overtid

Lysekloster spelte i dag treningskamp på bortebane mot Vard Haugesund, som i fjor landa på 8. plass i PostNord-ligaen (2. divisjon).

– Vi var veldig gode i store delar av kampen. Vi skapte mange store sjansar og eg er skuffa over at vi ikkje vinn i dag, seier Ruben Hetlevik.

Lysekloster tok leiinga då Matos heada inn eit frispark i 37. minutt. Vard utlikna i 73. minutt og tok leiinga i 90. minutt.

– Andre omgang starta som første omgang slutta. Vi var i føringa og fekk rulla opp angrep etter angrep. Men etter at Østervold blei utvist (to gule kort, og sidan det er treningskamp fekk Lysekloster erstatta Østervold), blei det mykje kriging og mange dødballar. Vard ville at det skulle koka litt, og vi heiv oss på. Dessverre takla dei dette betre enn oss.

Vard Haugesund - Lysekloster 2-1 (0-1)
Lysekloster: Thomas Hille, Thorvald Trætteberg, Denis Ljubovic, Andre Matos, Mats Walberg, Eirik Rode, Rune Mo, Hassan Rahmani, Stian Dyngeland, Martin Pedersen, Kristoffer Østervold.
Innbytarar: Magnus Eidsvåg, Sigve Rørstad, Erlend Opheim Instebø, Lars Hadler-Olsen, Marcus Sannes.

Lysekloster sin neste treningskamp er heime mot Stord skjertorsdag.