Tatt i 147 km/t

Måndag gjennomførte patrulja frå Os lensmannskontor to laserkontrollar i bygda.

Den første av dei, i 80-sonen på Ulvensletta gjorde ein mann fødd i 1995 til fotgjengar.

– Han blei målt til 147 km/t.

– Med ein slik fart blei han fratatt førarkortet og anmeldt, fortel politioverbetjent Audun Hadler-Olsen.

Ein annan bilfører slapp unna med eit forenkla forelegg.

To tatt på vekta

Forenkla forelegg fekk òg to bilførarar som i 21-tida blei målt ved den gamle vekta på Halhjemsvegen.

– Den høgste hastigheiten som blei målt der var 86 km/t i 70-sonen.

– Det står ikkje i loggen om det var ein mann eller kvinne som køyrde i denne farta, avsluttar Hadler-Olsen.