Tatt for underslag av bil

Ein osing som er er meldt for underslag av bil blei i går stoppa av politiet.

– Det er ein finansieringsinstitusjon som har meldt vedkomande, ein mann i 30-åra, for underslag av bil. Dei meiner mannen har brukt og/eller skjult bilen for dei, fortel politiførstebetjent Kenneth Rastad.

Bilen er i prisklassen rundt ein halv million kroner. Mistenkte skal ha erkjent forholdet og levert frå seg bilen. Saka blir etterforska vidare.

Trudde han kunne kjøra i Noreg

Politiet stoppa tysdag ein utanlandsk bilist som kjørte utan norsk førarkort.

– Vedkomande er frå eit land utanfor EU der førarkortet ikkje er gyldig i Noreg. Han har budd i Noreg i eit par år og har hatt god tid på seg til å sjekka dette.

– Alle pliktar å undersøka reglar for landet dei kjem til, så vedkomande blei meldt for kjøring utan gyldig førarkort og må bestå norsk førarprøve for å kjøra bil her.