Taua inn 12 bilar
Bilar moden for avskilting sto i kø i Hjellemarka i dag. Det blei dessutan skrive ut fleire gebyr for blant anna piggdekk, manglande førarkort og vognkort.
Statens vegvesen hadde trafikkontroll på E39 i Hjellemarka og i Os sentrum onsdag ettermiddag.
– Politiet deltok òg, med to motorsyklar, men måtte stikka frå staden til Åsane i samband med oljelekkasje i Eikåstunellen, fortel Lars Harald Drange.
6 av 12 blei avskilta
Sju kontrollørar deltok og vegvesenet hadde kjennemerke-skanning i bruk i Hjellemarka.
Der blei 75 bilar stoppa og kontrollert, 12 av dei grunna begjøring om avskilting. 6 av dei ordna opp på staden, 6 andre bilar blei avskilta.
1.350 blei kontrollert for bilbeltebruk utan at dei blei skrive eit einaste gebyr på dette (!).
Men det blei skrive tre gebyr for manglande vognkort eller førarkort og to for bruk av piggdekk.
Sjekka 160 i sentrum
Etter Hjellemarka flytta vegvesenet seg til Os sentrum, som no er omkøyringsveg for E39 retning nord.
Der blei 160 kontrollert for belte, noko som førte til eitt gebyr.
– Tre blei stoppa då dei sat og tasta på mobil. Dei fekk informasjon om risikoen det er å bruka telefon mens dei køyrer, fortel Drange.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.