Lokal | 27. mars 2015

Teikna sin første kontrakt

– Når du skal låna 2,6 milliardar kroner vil få promillar gje store utslag, seier Wilhelmsen, som har engasjert BCM som rådgjevar.

Teikna sin første kontrakt
Endelausemarka, det vesle stykket der E39 Svegatjørn-Rådal er ute i friluft. Torbjørn Wilhelmsen innfelt. (Ill. Statens vegvesen, foto: privat)
Kjetil Vasby Bruarøy
Kjetil Vasby Bruarøyfredag 27. mars 2015 10:56

Bergen-Os Bompengeselskap as (Lysevegen) har inngått avtale med Bergen Capital Management (BCM) om rådgjeving i samband med bompengeselskapet sitt låneopptak fram mot opning av den nye vegen mellom Os og Bergen i 2022. Dette er den første kontrakten bompengeselskapet teiknar i samband med byggeprosjektet.

– Vi tar sikte på at anleggsarbeidet startar i løpet av hausten 2015 og at vi skal vera klare med naudsynte midlar til disposisjon for Statens vegvesen, som er byggherre for prosjektet, seier daglig leder i bompengeselskapet, Torbjørn Wilhelmsen.

– Det er godt at vi er i gang med selskapet si viktigaste oppgåve, å skaffa finansiering til prosjektet, uttaler styremedlem og ordførar i Os, Terje Søviknes (Frp).

Skal låna over 2,6 milliardar kroner

Den nye vegen mellom Os og Bergen, E39 Svegatjørn-Rådal, skal i 2014-kroner kosta 6,6 milliardar kroner. Bompengeselskapet skal lånefinansiera 40 prosent av dette, altså over 2,6 milliardar.

– Det er mykje pengar. Promillar betyr store beløp og det er årsaka til at vi ville engasjera rådgjevarar. Vi arrangerte ein begrensa konkurranse med tre inviterte selskap som deltok med tilbud.

BCM skal finna rimelegast mogleg tilbod til lågast mogleg risiko.

– Viktig og interessant oppdrag

Sjølv om BCM har større rammekontraktar er avtalen med Lysevegen det største enkeltprosjektet dei er engasjerte i.

– Vi i BCM er glade for at vi som lokalt selskap med base i Bergen har vunne fram i konkurransen om å bli rådgjevar for dette store prosjektet. Dette prosjektet ser vi på som veldig interessant og viktig for bergensregionen, seier Gunnar Olseth, partner i BCM, i ei pressemelding.

Utanlandske bankar viser interesse

På spørsmål om det kan bli aktuelt å låna pengane utanfor Noreg svarer Wilhelmsen at det er lite aktuelt å ta opp lån i valuta.

– Fleire utanlandske bankar har vist interesse for å finansiera dette prosjektet. Denne typen prosjekt er attraktive og trygge låneobjekt, ikkje minst med dagens rentenivå.

– Det skal lånast i kroner, men det er ikkje bestem kvar eller i kva land.

Både Wilhelmsen og Søviknes gler seg no til byggestart.

– Det skal bli ein sann fryd å sjå første spadetak etter så mange år med planlegging, seier ordføraren.

FAKTA

• Bergen-Os Bompengeselskap as (www.lysevegen.no) er eigd av Hordaland fylkeskommune og kommunane Bergen og Os i fellesskap.
• Statens vegvesen er byggherre for prosjektet som omfattar i alt 18 kilometer tofelts veg, rundt 17 av desse i tunell.
• Statens vegvesen har ute dei to første anboda med svarfrist 21. april og 5. mai 2015.
• Det blir ikkje bompengeinnkreving i byggeperioden
• Vegen er venta å opna for trafikk i 2022.

Bergen Capital Management AS er eit verdipapirforetak med konsesjon frå Finanstilsynet til å driva investeringsrådgjeving og aktiv forvaltning. Foretaket blei etablert i 1998 og har cirka 50 milliardar kroner under rådgjeving og forvaltning. Selskapet har ni tilsette.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.