Tek utstillinga heim

Bildeserie:

1 av 5

Sidan 29. januar og fram til midten av november har utstillinga "Musikken, menneske og livsseilasen" pryda Grieghallen både inne og utandørs.

Utstillinga, som var for å markera Bergen Filharmoniske Orkester si 250-års jubileum, skapte ein del debatt, og ein av dei krassaste kritikarane, Erling Gjelsvik, sparte ikkje på kruttet då han skreiv eit innlegg om Mæland, utstillinga og dei som betalte for utstillinga.

Mæland tok det heile med ro, og i februar fortelde han om korleis han opplevde det i eit intervju til Midtsiden som du kan lesa her: – Dei kunne ha sjekka fakta først.

– i etterkant av utstillinga i Bergen har eg fått mykje gode tilbakemeldingar.

– No gler eg meg til å få vist fram denne utstillinga her i Os, spesielt etter spetakkelet som var kring Grieghallen-utstillinga.

For første gong i Os

At ein av Os sine fremste kunstnarar har si første utstilling i Os skulle ein ikkje tru, men dette er faktisk første gong Mæland stiller ut kunsten sin utanfor galleriet sitt i Solbakkestova.

– Eg har jo hatt litt kunst med på tidlegare arrangementer, men dette er fyrste gong eg er invitert til å ha ei heil utstilling i heimbygda.

Mandag og tysdag har kunstnaren halde på med å montera dei mange skulpturane sine i Galleri Hvelvet.

– Dette rommet er ideelt for skulptur-utstilling, fortel han nøgd.

No gjenstår det berre å få på plass to store skulpturar og lyssettinga, før Os-kunstnaren si første Os-utstilling er klar.

– Kanskje folk er lei?

Frå laurdag av kan publikum få med seg skulpturar av mellom anna ulike instrument, menneske og båtar.

På opningsdagen vil det også bli ein liten konsert av fiolintalentet Sonoko Miriam Welde, som allereie er "fast inventar" i Oseana.

– Skulpturen som står oppe i foajeen har eg laga med Welde som modell og det er jo litt artig at ho no kjem og speler her.

Sjølv om han seg veldig fram til å ha utstillinga i Os, så er han litt spent og fortel at det kan slå begge vegar.

– Kanskje folk er lei av ansiktet mitt?

– Eg håper ikkje det, eg gler meg iallefall og trur dette kan bli veldig fint.