Lukasz, som nyleg deltok i NM, var gjestekokk for fullsett Havnechefen to kveldar på rad. (Foto: Ørjan Håland)

Testa NM-rettane på heimebane

Gjestane fekk smaka rettar frå både NM i kokekunst og Bjørnafjordmåltidet.

image
image
image
image
image
image
image
image
image
Av: Kjetil Vasby Bruarøy

Kokken Lukasz Brekke frå Os deltok i slutten av september i NM i kokekunst for tredje gong. Torsdag og fredag kokte han saman med tidlegare samarbeidspartnar, Frank Vasby Bruarøy, og dei samla fullt hus på Havnechefen to kveldar på rad.

– Det var kjekt å koka for osingane igjen, og å stå på kjøkkenet saman med Frank. Vi hadde begge ein del nytt på repertoaret sidan sist, og sette saman ein meny av nokre av rettane han hadde på Det Store Bjørnafjordenmåltidet, rettane eg deltok med i NM og nokre nye som vi førebudde for desse kveldane, fortel Lukasz.

Delt 4. plass

Brekke var yngste deltakar då han kvalifiserte seg til å delta i NM i 2009. Også i 2010 blei han tatt ut til å delta.

– Det varierer frå år til år, kor mange som sender inn bidrag for å delta og kor tøff konkurransen er. Eg forsto det sånn på arrangørane at det var god pågang i år, og eg synest uansett det var stas å vera blant dei 10 som fekk delta.

Det blei ingen pallplass på Lukasz, men delt 4. plass med dei andre finalistane bak topp tre. Kjell Patrick Ørmen Johnsen frå Credo i Trondheim stakk av med sigeren.

I tillegg til 10 kokkar deltok 6 servitørar om NM-tittelen. Servitøren Lukasz hadde med seg, Marius Tjelta, fekk bronse.

• Les meir om NM på horecanytt.no

Rømme og rødbeter (!) til dessert

NM blei arrangert i Bergen 28. og 29. september. 24 timar før deltakarane slapp laus på kjøkkenet fekk dei oppgåvene.

– Til forrett var det ei «mystic basket» med vegetar-ingrediensar, til hovudrett ytrefilet av lam saman med anten (valfritt) brissel eller nyre frå lam. Til dessert skulle det brukast seterrømme, sjokolade og rødbet.

– Dessert skal smaka søtt og godt, og med desse råvarene var det ei utfordring. Men eg har brukt rødbet i mange kombinasjonar før, og følte at eg løyste oppgåva godt. Samla sett fekk eg òg gode tilbakemeldingar på smak, så eg er ganske nøgd.

Turnus og tid til å leika seg

Lukasz har tidlegare jobba på ulike restuarantar i Os, Bergen og andre stadar i Noreg, både før og etter at han i 2005 tok fabgrev som kokk. I 2010 var han tre månadar i praksis ved Noma i Købehavn. Restauranten hamna same år på toppen av den prestisjetunge lista til britiske Restaurant Magazine over verdas 50 beste restaurantar.

• Les òg: Skummel sanseoppleving

Med «Det naturlige kjøkken» hadde han fleire private og opne kveldar med ein serie rettar basert på nordiske råvarer og nye, spennande kombinasjonar av desse. No jobbar han for 4service, som driv med catering og kantine, men i turnus, med tid til eigne prosjekt.

– Med turnusjobb har eg framleis tid til å prøva meg fram med nye rettar, til å ta «Det naturlige kjøkken» heim til privatpersonar, og til å delta på sånne kveldar som Havnechefen inviterte meg til.

Høg verdi på det andre kastar

Det blei, som med Bjørnafjordenmåltidet, fleire rettar og seinare kveld enn det som i utgangspunktet sto på menyen. Blant rettane var Frank si brosme (erstatta av lange) og hummarsuppe frå Bjørnafjordenmåltidet, NM-rettane til Lukasz, og nye rettar og råvarer som kamskjell, tang, kråkebolle og brent brokkolistilk.

– Brent brokkoli er laga av stilken, noko mange kastar. Med kråkebollemajones. Dette er ein signaturett eg har hatt med meg nokre år, men som eg har utvikla vidare til å bli endå betre. Den slo spesielt godt an, føler Brekke.

Hos Havnechefen fortel dei om veldig god respons på gorumetkveld med gjestekokk.

– Det var utruleg kjekt å koka med Lukasz igjen, og å sjå responsen hos gjestane våre. Det tok berre ti timar etter at vi la ut invitasjon om desse kveldane før heile den første kvelden var fullbooka, seier Frank.

– Eg er glad for at vi rakk å gjennomføra desse kveldane før julebordsesongen går inn i sin travlaste fase. Dette vil vi gjera fleire gongar, både med Lukasz og gjerne også med andre gjestekokkar.