Til høgre ut av sentrum

Av fem vegar ut frå Os sentrum er det no påbode å svinga til høgre frå to av dei.

Les òg: Snart blir dette forbode

Som einaste kommunale tiltak i samband med at E39 retning nord frå natt til måndag og fire månadar fram går gjennom Os sentrum, er det no forbode å svinga til venstre når du skal ut Øyro ved Lundehjørnet.

Dette krysset er frå før eit problemkryss. På spørsmål om påbodet om høgresving kan bli permanent svarte teknisk sjef Marianne Kramer dette i mars:

– Det er ingen vedtak på det, men det er ikkje umogleg.

Eitt alternativ frå Telthuskvartalet

Har du vore i Telthuskvartalet kan du for tida heller ikkje køyra inn mot sentrumskjerna og ut Torggata til rundkøyringa.

Dette er grunna dekkearbeid på Øyro.

Les òg: I dag kom det nye bygolvet

Dei andre vegane ut frå Os sentrum er Brugata til Hatvikvegen, med sving til høgre-påbod, og Landboden og Jordmorsvingen i nord.