Sport | 20. nov. 2014

Til NM som favoritt

Ariel Braathen reiser til junior-NM i svømming som storfavoritt på brystøvelsane.

Til NM som favoritt
Ariel Braathen er klar for nye rekordar og medaljar i junior-NM i helga. Her under senior-NM i Drammen i sommar (privat foto)
Andris Hamretorsdag 20. nov. 2014 07:31

Torsdag startar junior-NM i svømming i Bærum med søftelandsjenta Ariel Braathen som storfavoritt på brystøvingane.

– Ja, etter å ha hevda meg blant seniorane, både i NM og på andre stemne kan du få lov til å kalla meg det, seier Ariel Braathen.

Svømmetalentet blei i sommar noregsmeister på 50 m langbane for seniorar og har noregsrekorden for juniorar på same distansa, satt i opningsstemnet i AdO Arena.

Berre oppvarming

Braathen stiller til start på 50, 100 og 200 meter bryst, 50 og 100 meter fri og 100 meter medley.

– I tillegg blir det nokre stafetter saman med Bergen SC.

– Det er dei tre brystøvelsane eg skal gjera det godt på.

– Dei andre individuelle distansane er meir som oppvarming å rekna, forklarar svømmaren.

Går for rekord

Spesielt ei distanse er ho veldig sugen på å setta ny norsk rekord.

– På 50 meter bryst er persen min berre éin-tidel bak den eksisterande noregsrekorden på kortbane.

– Den er det trenaren min som har og dette er siste stemnet ho er med på som trenar for oss, så det hadde vore veldig kjekt å ta den rekorden nettopp no, avsluttar Ariel Braathen med eit smil.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.