Mannen kom frå Våge til Halhjem då han blei stoppa av politiet. (Foto: KVB)

Tok beslag i to førarkort

Brannvesenet rykte ut då ein fugl tok fyr - politiet stoppa ein som kom av Tysnesferja med promille.

Av: Kjetil Vasby Bruarøy

Fredag i 13-tida blei ein eldre bilførar stoppa på E39 ved Svegatjørn.

– Det kom melding om vinglete køyring i Fana retning Os. Vi har ikkje mistanke om at vedkomande hadde promille, men at han ikkje oppfyller alle krava om å ha førarkort, fortel vakthavande ved Os lensmannskontor til Midtsiden.

Politiet tok midlertidig beslag av førarkortet og fekk køyrd bilen til adressa i Os der bilførar var på veg. Han må no via helsevesenet for eventuelt å få førarkortet tilbake.

Full bilførar på ferja

Laurdag morgon klokka 07.01 blei ein bilførar stoppa og kontrollert i det han køyrde av ferja på Halhjem.

– Promilletest på staden gav utslag og han blei tatt med for blodprøvetaking. Vi mistenker promillekøyring og har tatt beslag i førarkortet.

Førar er ein mann i 20-åra som ikkje er frå Os. Han kom med ferje frå Våge, der Tysnesfest pågår, då han blei stoppa.

Fugl tok fyr

Fredag kveld klokka 21.15 kom det melding om brann i ein trafokiosk i Drangsvegen.

Brannvesenet og BKK rykte ut.

Det viste seg at ein fugl som hadde prøvd å setja seg på eller ved trafokiosken hadde tatt fyr. Då denne hadde brent opp var det ikkje meir å sløkka.

 

Fleire saker

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.

bilde-midtsiden

Slo Sædalen på heimebane

19. september 2017

– Vi varierer for mykje, seier Kvile, sjølv om Os 2 har tapt berre 1 av 6 kampar etter ferien.