Tok drosje, men kunne ikkje betala

Politiet blei søndag kveld varsla om ein som «stal» seg ein tur frå Bergen til Os.

– Det var i 21-tida at drosjen kom fram til Os. Det viste seg at passasjeren verken hadde pengar eller betalingskort, fortel politioverbetjent Audun Hadler-Olsen.

Politiet rykte ikkje ut, men det er oppretta sak.

– Var passasjeren ueinig i prisen eller var det ein annan form for konflikt?

– Eg har ikkje inntrykk av det. Han hadde rett og slett berre ikkje sjanse å gjera opp for seg.

– Det som er vanleg er at slike saker blir meldt og hamnar i forliksrådet, opplyser politiet.