Toppar tabellen før NM-kampen mot Brann
Fire målskårarar då Lysekloster slo Førde på bortebane.
Lysekloster toppar tabellen etter 5 sigrar på årets 6 første kamar.
I dag slo dei Førde, botnlaget som i haust slo Lysekloster 0-2 i sesongavsluttinga, heile 4-0.
– Mange venta nok at vi berre skulle opp her og henta tre poeng, men bortekamp mot Førde, på høgt gras og ujamn bane, er inga enkel oppgåve, seier Lysekloster-trenar Ruben Hetlevik.
– Det blei verken fin fotball eller god underhalding, men tøffe duellar i ein god krigekamp. Dette løyste vi betre enn Førde, og eg er veldig nøgd med det arbeidet gutane la ned for å vinna også denne kampen.
Førde fekk ein spelar utvist i 43. minutt. 0-1 kom på straffe.
Førde - Lysekloster 0-4 (0-1)
Målskårarar: Espen Birkeland, Vladan Radojkic, Ole Thomas Herrem og Joakim Helland.
– No er vi ferdig med alle dei tre kampane vi har på gras i år, og har tatt tre poeng i alle tre.
– Å vera tabelltopp før onsdagens NM-runde mot Brann er ei god kjensle. No skal vi få Førde-kampen ut av hovudet og ut av beina, og så gler vi oss til ein festdag på heimebane onsdag.
Brann snudde i dag kampen og vann 3-2 over Sogndal.
Neste seriekamp for Lysekloster er heime mot Herd, som ligg på 8. plass, søndag om ei veke.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.