Tre frå Os vann med Fyllingsdalen

Medan Lysekloster G13 gjorde reint bord i B-sluttspelet i vinterserien var éin Lysekloster-spelar og to Os-spelarar med på å vinna A-sluttspelet i vinterserien med FK Fyllingsdalen.

Fyllingsdalen vann dei tre første kampane i mellomspelet 18-3, 9-1 og 14-3. Finalen gjekk mot Djerv 1919 søndag, den vann Fyllingsdalen 5-0.

Helga før vann same laget 6-0 over Bergen Nord i finalen i Åsane Cup

På hospitering

Knut Jordal frå Lysekloster, veslebror til A-lagskaptein Johannes Jordal, er fødd i 2002, Ole Martin Lekven Kolskogen og Tobias Nøss i 2001.

Dei tre talenta har vore på hospitering hos Fyllingsdalen i vinter og var del av troppen til satsingslaget til Fyllingsdalen både i Åsane Cup og i vinterserien, men skal etter det Midtsiden kjenner til spela med eigne lag i serien.