Sport | 28. sep. 2012

Treng instruktørar

Nore Neset Grendalag investerar i fem bordtennisbord. - Vi har to instruktørar, men treng minst fem for å starta organisert trening, seier Susan Askvik.

Treng instruktørar
Susan Askvik og Lene Ringeling håper fleire vil vera instruktørar i bordtennis (foto: Andris Hamre)
Andris Hamrefredag 28. sep. 2012 12:21

Grendalaget på Nore Neset gjekk tidlegare i år ut og etterlyste om det fantes ubrukte bordtennisbord på bygda.

- Heile tre familiar tok kontakt og fortalde dei hadde bord ståande.

- I tillegg er det allereie to bord på skulen som vi nyttar slik at det til saman blir fem bord tilgjengeleg når vi startar opp på nyåret, fortel ei ivrig Susan Askvik.

Laget vil i tillegg kjøpa inn det som trengs av racketar, ballar og net.

Kretsen er med

Interessa for bordtennis på Nore Neset er stor.

- Det kjem elevar ein halvtime før skulen startar, berre for å spela.

- I tillegg har vi vore i kontakt med bordtenniskretsen og Heros bordtennisklubb i Bergen. Båe er svært ivrige etter å hjelpa oss og få til ein region Vest, forklarar Askvik.

Førebels har dei ikkje innleia samarbeidet, men når treningane kjem igang og spelarane får sving på racketen vil dei nok innlemmast i idrettslaget slik at dei òg kan delta i konkurransar mot andre klubbar.

- Idrettslaget er svært positive, men førebels vil vi starta opp på eigenhand.

Vil kursa instruktørar

Saman med Lene Ringeling håpar Askvik det er fleire som vil melda seg som instruktørar.

- Vi har to som har meldt seg og som vi skal senda på dommarkurs slik at dei får ei oppdatering på reglane.

- Men vi skulle gjerne hatt minst tre til før vi set i gang slik at dei kan veksla litt på.

- Om det er nokon som har spelt bordtennis tidlegare og som har interesse for sporten så er det berre å melda seg.

- Vi kan lova kursing og god oppfølging, smiler dei to eldsjelene i Nore Neset Grendalag.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.