Os G17 med sølv i Norway Cup. (Privat foto)

– Trur dei forstår kva bragd dette var

Kaptein Skeie synest det beste laget vann finalen, trenar Johannessen er stolt over Norway Cup-sølvet.

image
image
image
Av: Kjetil Vasby Bruarøy

Norway Cup 2017, finale G17: Sotra - Os 4-0 (3-0)

Laurdag, for første gong på 39 år, hadde Os eit gutelag i finalen i Norway Cup.

Finalen, minutt for minutt
Lykkeønske frå '78-finalistene

Før halve førsteomgang var spelt låg Os under 2-0, og dei gule og svarte måtte nøya seg med å avslutta ei strålande turnering med 2. plass.

– Vi var skuffa over å tapa, men etter ein dusj og middag på hotellet slo vi oss til ro med at Sotra var best denne gong. Det ville kanskje vore verre om det var heilt jamt, og at vi tapte på for eksempel golden goal, seier kaptein Vegard Strønen Skeie.

– I KM-finalen for tre år sidan var det jamnare, då tapte vi på straffesparkkonkurranse. Sotra var i Norway Cup-finale i fjor òg, då tapte dei. I kampen mot oss såg dei samla sett ut til å vera litt meir svolten på siger.

Årets G17-lag i Norway Cup består i stor grad av dei som vann KM-tittelen i fjor, då med siger over Fana i avgjerande kamp.

– Vi er spelarar som var på same lag tidlegare, men som no kjem frå tre ulike lag, Os 2 (senior), Os G19 og Os G16. Det fungerte fint, men i finalen heldt det ikkje. Cirka halve laget er 17 år, dei andre er 16. Sotra var kvassare enn oss og vann fortent.

Finalen var berre seks minutt gamal då Os-kapteinen lagde straffe. Straffen gjekk i mål til 1-0.

– Eg feilbedømte avstanden og såg at linjemannen fekk med seg alt. Hadde det ikkje blitt straffe så hadde eg byrja å lura. Før innmarsj hadde eg ein prat med dommaren, og han verka stødig. Derfor følte eg meg òg trygg på at eg ikkje ville bli utvist.

Stolt over spelarar og supportarar

Trenar John Ole Johannessen seier Os fekk smaka på det same som dei sjølv gav frå seg i semifinalen.

– Sotra var godt førebudd. Dei tetta alle rom og vi fekk ikkje til spelet vårt, litt det same som vi lykkast med då vi rundspelte Kolbotn i semifinalen, seier Johannessen.

– I tillegg såg dei ut til å villa meir og til å takla presset betre. Eg synest vi var litt for prega av alvoret, TV-sendinga og den store publikumsmengda, det var ein del høge skuldre på banen. I pausen var det stort sett det å seinka skuldrene eg hadde fokus på.

Den samla prestasjonen er han stolt over.

– Eg har forstått det sånn på foreldra at Sotra er eit lag dei har slite mot tidlegare år. Det gjekk ikkje denne gong, men å spela finale i Norway Cup er likevel stort. Eg håper og trur at gutane forstår kva bragd dette var.

Han er òg takksam for enorme engasjementet frå foreldre, klubb og andre supportarar.

– Vi hadde ei fantastisk veke avslutta av ei enorm ramme rundt finalen. Folk kom reisande over fjellet for å sjå gutane sprela, og osingar som but i Oslo kom til Ekebergsletta for å sjå.

I dag hadde gutane første trening etter finalen, torsdag er det treningskamp og i neste veke startar serien igjen (Os 2 heime mot Gneist måndag).

Norway Cup-finalistane frå Os G17: Peter «Peet» Armstrong, Marius Een Lyssand, Vegard Strønen Skeie, Trym Hjørnevik, Harry James Moore, Christoffer Eikaas, Bjørnar Straumsnes, Tobias Nøss, Steffen Kvamsdal, Alexander Tøssebro, Sondre Nystad, Daniel Hjørnevik, Casper Maltun, Fredrik Laugen, Kristoffer Strønen Røttingen, Casper Røttingen Lunde, Markus Lund Valvik, Karel Bezucha, Marius Hevrøy.

Fleire saker

bilde-midtsiden

Aalesund-tabbe kan sikra Os

16. oktober 2017

Os står i fare for nedrykk før siste runde, men ikkje om protest på denne mannen går i boks.

bilde-midtsiden

Til Os med tips - og litt tull

16. oktober 2017

Held foredrag for Fargerike: – Målet er at dei som høyrer på skal få nokre konkrete råd, men det viktigaste er litt glød, seier Einar Nilsson frå...

bilde-midtsiden

Å laga jul i nytt sentrum

16. oktober 2017

Blir det lyslenker over nyopplyst Øyro? Blir det plass til juletre på det nye torget?

bilde-midtsiden

Stenger for asfaltering

16. oktober 2017

Heile Midtsætervegen blir stengd på dagtid tysdag og onsdag for asfaltering.

bilde-midtsiden

«Tak» på tak i Os sentrum

16. oktober 2017

10 år etter førre paraplyprosjekt er nye utlånsparaplyar på plass mellom dei nye glastaka på Osøyro.