Ubåt på tokt utanfor Os hamn
KNM «Mjølner» kretsar rundt og over «Uthaug» i fjorden i dag.
Bildeserie:
Onsdag formiddag fekk Midtsiden spørsmål frå ein lesar på Moberslia, som lurde på om det var ubåt ho såg i fjorden.
På MarineTraffic.com var det merkt av KNM Mjølner og «Norwegian Warship (unspecified)».
– Det stemmer at vi har ubåt utanfor Os no, stadfestar presse- og informasjonsoffiser i Sjøforsvaret, Thomas Gjesdal.
Han vil ikkje seia i detalj kva toktet går utpå eller kor lenge det varer.
– Marinen sin flåte er kontinuerleg ute og seglar. Dette er rutinemessig øving og trening.
Om båtane
Ubåten som er utanfor Os heiter «Uthaug», og er ein av Sjøforsvare sine seks ubåtar.
• VG: Norge bestiller fire nye ubåter (2017)
«Uthaug» er i Ulaklassen, som har desse dimensjonane:
Lengde: 59 meter
Breidde: 5,4 meter
Djupne: 4,6 meter
Deplasement: 1040 tonn (overflate) – 1150 tonn (neddykka)
Besetning: 21+
Fart: 10 knop (overflate) – 20+ knop (neddykka)
– Ubåtar er vanskelege å oppdaga og er utan tvil Sjøforsvarets mest avskrekkande kampsystem – sett frå ståstaden til potensielle fiendar, skriv Forsvaret.no på si side om Ulaklassen.
I februar i fjor var «Uredd», ein annan ubåt i same klasse, og braut vasskorpa i Os.
KNM «Mjølner« er ein av Sjøforsvaret sine fire monitorar i Skorpionen-klassen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.