UKM 2017 - på 8 minutt

Debutantar og gjengangarar viste seg på scenen. Sjå bildeserie og video.

image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Etter ein vellykka kulturverkstad laurdag og søndag formiddag var ungdomar frå Os og Fusa klare for årets UKM.

• Les òg: Her er alle deltakarane i årets UKM

UKM hadde litt få deltakarar i år, og berre 2-3 av 12 sceneinnslag var med ungdom frå Os. Samtidig har kulturungdomen kome godt i gang med kommunesamanslåinga, med venskap og øving på tvers av grensene som skal viskast vekk frå 2020.

Ung Kultur Møtes, som er det nye namnet på kulturmønstringa, hadde dessutan det ei lokalmønstring skal ha; låg terskel får å prøva seg på ein scene, ein plass for talent å visa seg fram, og rom for ulike typar kulturutøving.

Vi fekk sjå teater, film, kunstutstilling, dans og ulika sjangrar innan musikk.

I rekkefølge

Her er alle sceneinnslaga i videoen over:
1. The Blueming Bruices
2. Ameliorate
3. Susanne Kristensen
4. Sleepwalkers
5. Kristina Andreasson Dale
6. Sense Crew
7. Robin Hovden
8. Frida Solheim
9. When your wheels are gone
10. Renate og Marius frå Kongshaug
11. Jørgen Hovden
12. Verdensteateret

• Her kan du sjå video frå UKM i 2012-2016

Avgjerda kjem onsdag

Gjengangarar som Sleepwalkers var med i år òg, samtidig som vi fekk sjå flinke debutantar, der jentebandet Ameliorate, som berre har øvd saman i ei veke (!), var eit av høgdepunkta.

Det blei òg rom for alvor. Frida Solheim song låta «Cancer» til ei venninne med leukemi, filmskapar Robin Johannes Sannes Hovden viste at det går an å laga god film utan dyrt utstyr - og fortalte ei sterk historie om depresjon i filmen «Et helvete».

Verdensteateret, som besto av 11 ungdomar frå Os og Fusa, viste på ein kompakt måte korleis samfunnet for ungdom har endra seg dei siste 60 åra. Manus og musikk var morosamt, men ungdomane burde hatt mikrofon, for her var det ein del replikkar som blei vanskeleg for publikum å høyra.

Som pauseinnslag stilte UKM-veteran og EP-aktuelle Simen Moesgård opp og tok to låtar frå den ferske plata si. Ein energisk Simen full av overskot blei ein frisk pust mellom innslaga av ungdomane.

Kven som går vidare til fylkesfestivalen blir kjent onsdag.

Fleire saker

bilde-midtsiden

Iskaldt comeback

24. april 2017

Alexander Heggland har ikkje spelt Norgescup på fire år. Comebacket i helga blei ei kald oppleving.

bilde-midtsiden

Vinter i april

24. april 2017

I går kom snøen, i dag kom sola - og i neste veke skal det bli minst 10 gradar varmare.

bilde-midtsiden

Spennande song og dans på Haugland

24. april 2017

Kajsa Balto tolkar norsk folkemusikk med samiske tonar i Studio E39. Kristine Nilsen Oma kjem med spesiell danseframsyning.

bilde-midtsiden

Alle vil feira 70-åringen

23. april 2017

MS Midthordland fyller 70 år i år. Kommunane Samnanger, Fusa, Tysnes og Os vil ha cruise for å feira «Dronninga av Bjørnafjorden».

bilde-midtsiden

Dyr køyring i sentrum

23. april 2017

Fekk 5350 kroner i forenkla forelegg for å køyre i sentrum natterstid. Mann herpa biler og var valdsam.