UKM-stunt i kantina

Bildeserie:

1 av 6

– Vi har berre 16 påmeldte bidrag til no, 5 frå Fusa, 9 frå Os og 2 på kunst, sa Kjetil Osablod Grønvigh frå kultureininga i Os kommune torsdag.

Men det var før stuntet i kantina på Os ungdomsskule.

SJÅ VIDEO NEDST I ARTIKKELEN

– Eg veit ikkje om dette har noko effekt, men det er nok greit med ein påminnar. Mange ventar til siste frist med å melda seg på.

– På landsbasis er det nedgang, og vi får nok litt nedgang vi òg, trur Kjetil.

– Ein god start

Som i fjor og i 2012 kjører Os og Fusa kulturmønstringa si saman, i Oseana. Datoen er søndag 26. januar, fristen for påmelding er førstkomande søndag.

Les meir på UKM.no.

Onsdag var dei med UKM-stunt i Eikelandsosen, torsdag stilte kultureiningane frå dei to kommunane med Idar Rolland og Eirik Søfteland på plakaten.

Unge Rolland, som i haust vann Up & Coming på Er-An Veikro, gjekk vidare til både fylkesmønstringa og landsmønstringa i fjor.

Sjå video frå UKM 2013 i Oseana.

Søfteland, som var Idol-finalist og vann Skal vi danse i 2013, også deltatt på UKM i ungdomen, men då med band.

– Det er ein veldig fin start, ei god erfaring å ha. Mange kjente norske artistar har starta med UKM eller liknande arrangement som si første scene-erfaring, seier Eirik.

VIDEO: Sjå nokre minutt frå minikonserten på Os ungdomsskule i går. (Foto: KVB)