Ung mann tatt med ecstasy

Søndag rett før midnatt blei ein bil stoppa av UP rett utanfor Os sentrum.

Bilførar, ein mann i starten av 20-åra frå Os, er utan førarkort.

– Det blei funne nokre tablettar på mannen, og politiet mistenker desse for å vera ecstasy, fortel politioverbetjent Audun Hadler-Olsen.

– Ecstasy er verkemiddel i noko av stoffet vi kjem over, men det er sjeldan og lenge sidan sist det er tatt beslag i ecstasy i Os.

– Heldigvis har vi ingen indikasjonar på at dette er eit vanleg eller aukande stoff i omlaup i bygda.

Låg-promille og tilsnakk

I tillegg har politiet denne helga tatt hand om blant anna utforkjøring med promille fredag og naken mann på vandring på Søfteland laurdag.

– Klokka 02.20 natt til søndag blei ein ung bilførar stoppa ved Uno X, mistenkt for promillekjøring. Han bles 0,17 på første måling og 0,05 på andre, men blei likevel tatt med til blodprøvetaking.

Ein 18-åring som kjørte fort på Halhjemsvegen slapp unna med tilsnakk.

– Han kjørte svært fort, men vi hadde ikkje måling. Han fekk ei tydeleg melding om korleis han bør kjøra i framtida.