May Iren Eide, Mette Pettersen og Tove Nymark Nilsen er nøgd etter å ha gjennomført Tjukkasgjengen sin første tur på Os (foto: Andris Hamre)

Ut på tur, aldri sur

Over 20 000 tjukkasar i heile Europa samlast i 260 turgrupper. Måndag hadde Os-chapteret sin første tur rundt Borgabygda.

Av: Andris Hamre

Tjukkasgjengen starta med ein venegjeng i Moss som likte å vera sosiale, men som etter eige utsagn var i rævva form. Målet blei å gå frå å vera tjukkas til å bli kjekkas. No har organisasjonen, som har breidd seg som ein farsot over hele landet og i fleire europeiske land, gått sin første tur i Os.

- Eg såg at det var oppretta ei gruppe på Os òg, men det var ikkje noko aktivitet i den.

- Det ville eg gjera noko med, fortel initiativtakar Mette Pettersen som har vore litt med i Tjukkasgjengen i Bergen, men som fann ut at det blei for mykje styr å reisa til byen for å gå på tur.

Gruppa ho no freister å få liv i er Tjukkasgjengen Chapter Os som ho fann på facebook.

Sosialt, med lav dørstokk

Ho laga gruppas første event, ein rusletur frå biblioteket, rundt Borgabygdo og attende til Holtbrekka. Med seg på turen fekk ho Tove Nymark Nilsen og May Iren Eide.

- Heile poenget er å koma seg ut og gå.

- Jo dårlegare form du er i, jo meir treng du det. I tjukkasgjengen kan du vera trygg på at det er rom for alle og du treng ikkje vera redd for å måtte gå aleine.

- Dette skal vera ein medlemsdriven aktivitet, med svært låg terskel.

- Veit du forresten kva definisjonen på ein tjukkas er? spør Pettersen med eit smil.

- Det er ein blid og sosial person som liker å ha det kjekt saman med andre, slår ho fast.

Startar i det små

Og nettopp det er dei tre eit prov på då vi møter dei etter endt tur ved biblioteket. Sjølv om pusten går tungt, sit smilet og latteren laust på dei tre.

- Vi startar i det små, med ein fast tur kvar måndag med start på biblioteket.

- Håpet er at fleire melder seg inn i gruppa på facebook og at vi etterkvart kan få til to turar, ein formiddagstur og ein ettermiddagstur, i veka.

- Gruppa er òg tenkt å fungera slik at du kan legga inn ein post eller event kor du fortel at du har tenkt deg ein tur og at andre kan slenga seg med, forklarar Pettersen.

Utfordrar ordførar og kommunestyret

Pettersen fortel at mange av dei andre chaptera rundt i landet legg like mykje vekt på det sosiale.

- Til dømes er det fleire av chaptera som går ut og spis middag eller går på kino i lag.

- Det sosiale er nesten like viktig som å koma i form. Som innflyttar ser eg det som ein god måte å byggje eit nettverk på.

- Ein del plassar har òg ordføraren vore med på tur, og det er kanskje på plass å utfordra Søviknes og kommunestyret, smilar Pettersen før ho legg til at Stortinget har sitt eige chapter med tjukkasar.

Neste tur dei har planlagt er mandag 8. oktober klokka 19 frå biblioteket.

Fleire saker

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.

bilde-midtsiden

Slo Sædalen på heimebane

19. september 2017

– Vi varierer for mykje, seier Kvile, sjølv om Os 2 har tapt berre 1 av 6 kampar etter ferien.