Utanfor livsfare

Tysdag 20. september blei ein mann (66) og ein hund påkjørt på Ulvenvegen ved Svegatjørn. Mannen blei frakta til Haukeland universitetssjukehus . Den skadde er den populære fotballspeakeren til Os, Rolf Klausen.

– Han er no utanfor livsfare, men er framleis hardt skadd, seier ein av svigersonane hans, Frode Lundgren.

Vakna igjen

Klausen svevde mellom liv og død etter påkjørsla og blei lagt i kunstig koma då han kom fram til sjukehuset.

– Han er naturlegvis framleis omtåka og det er uvisst om han kjem til å få varige men. No gler vi oss først og fremst over at han overlevde og håper på framgang i tida som kjem, seier Lundgren.

Hovudskade og brot i begge beina

Klausen har gjennomgått omfattende operasjonar for flere brot på hovudskallen. Han er framleis vanskelig å få kontakt med grunna dette.

I tillegg braut Klausen begge beina. Han brekte lårbeinet i høgre fot og legg og ankel i den venstre. Det er venta at han må gjennom eit langvarig rehabiliteringsopphald.

– Vi tar éin dag av gongen og håper på det beste for Rolf, seier Frode Lundgren på vegne av familien Klausen.

Ps! Hunden blei også alvorleg skadd, men blei operert og har det etter forholda bra.