Utfor på sommardekk

Måndag kveld hamna ein polsk trailer utfor vegen ved Rolls Royce på Ulven.

Medan Midtsiden var på staden klarte sjåføren, ved hjelp av nokre lass med grus under dekka, å koma seg opp igjen frå grøfta.

Men han får ikkje kjøra vidare.

– Vi blei tipsa om utforkjøringa og oppdaga at bilen har sommardekk på, seier politibetjent Kenneth Rastad.

Sjåføren var ikkje einig i vurderinga til politiet, som melder forholdet, gav føraren kjøreforbod og tok beslag i førarkortet hans.

– Han hadde store problem med å manøvrera seg rundt på parkeringsplassen der oppe, vi vil ikkje sleppa han på vegen igjen, seier Rastad.

Føraren kan truleg venta seg forelegg og pålegg om å skifta dekk før han får kjøra vidare.