Væpna frå i dag

Etter PST si trusselvurdering tidlegare denne månaden, der politi og Forsvaret blir peika ut som moglege mål, har politidirektoratet bedt justis- og beredskapsdepartementet om samtykke til å væpna norsk politi inntil vidare.

POD har fått samtykke og frå tysdag morgon vil innsatspersonell vera væpna med pistol.

– Vi kom fram til at politiet treng eit ekstra verktøy for å møta denne nye trusselen. Derfor ba vi om samtykke til at uniformert mannskap i vakt- og beredskapsteneste blir væpna, seier politidirektør Odd Reidar Humlegård til politi.no.

Politioverbetjent Audun Hadler-Olsen ved Os lensmannskontor stadfestar at også politiet i Os er væpna frå i dag.

Ifølgje BT.no meiner PST at det er større sjanse for at det vil skje eit islamistisk terrorangrep mot Noreg det neste året, enn at det ikkje vil skje.