Vegard Storum Hjelle, her då Os 2 slo Fitjar 15-0 i ein treningskamp, skåra dei tre siste i 7-0-sigeren over Bjarg 2 måndag. (Foto: KVB)

Vann 7-0 med 10 mann

God runde i 5. divisjon: Vegard Hjelle skåra 3 mål for Os 2, Preben Borgen skåra 4 mål for Søfteland.

Av: Kjetil Vasby Bruarøy

Runde 2 blei bra for 5. divisjonslaga i Os:

• Nore Neset slo Flaktveit 3-2
• Søfteland vann heile 9-1 over Stord 2 (mål av Preben Borgen 4, Dani Bergstø 2, Martin Eidsvik 2 og John Ole Johannessen)
• Os 2 spelte mot Bjarg 2 og vann 7-0.

– Prestasjonen i første serierunde er eg ikkje nøgd med. Når vi skårar tre mål bør vi vinna kampen, at vi slepp inn 4 for Juristforeningen er svakt, seier Os 2-trenar Karl Kvile.

– Det kom seg i andre serierunde mot Bjarg 2. Bjarg hadde med seg nokre etablerte A-lagsspelarar, men hadde samtidig NM-kamp med juniorane, så dei stilte nok ikkje så sterkt som dei kan.

Os fekk Adrian Valle utvist i 29. minutt. Då leia dei allereie 3-0.

– Med 10 mot 11 burde forskjellen vore kompensert for, om Bjarg ikkje hadde alle sine beste juniorar tilgjengelege. Her var vi gode, og skåra fire mål til samtidig som vi heldt nullen.

– Det har vore ein suksess å flytta Vegard Hjelle fram frå midtbane til spiss. Han er ein god avsluttar og har ein tendens til å vera på rett plass til rett tid. Det er ikkje tilfeldig at han har skåra ein del i dei siste treningskampane og seriekampane, meiner Kvile.

Os 2 - Bjarg 2 7-0 (5-0)
Målskårarar: Glenn Krossøy 1-0, Simon Moberg Søvik 2-0, Fabian Bødker 3-0 og 4-0, Vegard Storum Hjelle 5-0, 6-0 og 7-0.

I kveld speler Os junior NM-kamp heime mot Smørås.

Måndag speler Os borte mot Bergen Nord.

– Kampen måndag blir ein betre test, då møter vi eit lag som har vunne to av to kampar til no, seier Kvile.

• Også Os 3 i 6. divisjon tok ein fin siger i førre runde. Dei vann 5-3 over BI Bergen med mål av Isak Røen 2, Lars Philip Moe Haugland 2 og Baste Træen.

• Nore Neset 2 spelte borte mot Vadmyra 2 og tapte 4-0.

Fleire saker

bilde-midtsiden

Pleiepengar til fleire

21. september 2017

Frå 1. oktober får ordninga med pleiepengar ei betydeleg utviding.

bilde-midtsiden

Betaler millionar til Bergen

21. september 2017

68 ungar frå Os går i barnehage i Bergen, noko Os kommune betalte 4,7 millionar for i første halvår 2017.

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.