Vann med 21 mål!

Damelaget til Os tok torsdag i mot Askøy til oppgjer heime i Oshallen. Askøy har sålangt i sesongen berre tatt eitt poeng og ligg sist på tabellen.

- Vi var einige om å vera konsentrerte og fokuserte i forsvar og det klarte jentene på ein strålande måte, fortel Ostrenar Erlend Lyssand.

Han var litt spent på om damene ville gå i fella med å slappe av mot ein så mykje dårlegare motstandar.

- Det er ofte det som skjer, men eg minna jentene på at det ikkje var i forsvar vi skulle skåre måla.

I angrep hadde han gitt Os-spelarane i oppgåve å bruke tid og spele lengre angrep enn det dei har gjort dei siste kampene.

- Vi kjem litt seint igang før vi lykkast angrepsmessig, men vi hadde tålamot og får betalt utover i kampen.

Berre 5 bakover

Til pause leiar Os allereie med 10 mål, 16-6. Pausa nytter Lyssand til å gjere avtale med spelarane om at dei ikkje skal sleppe inn meir enn 11 mål totalt.

- Eg er veldig nøgd med at vi klarar den målsettinga, smilar Lyssand etter at sigeren 32-11 var i boks.

Sjølv om Lyssand omtalar det som ein lagsiger, legg han ikkje skjul på at det er godt å ha to fantastiske keeperar bakerst i Vibeke Ingebrigtsen og Eva Kristiansen.

Ventar knalltøff kamp

Laurdag klokka 16 tek Osdamene i mot Sotra til nytt oppgjer i Oshallen.

- Då håpar eg jentene får massiv støtte frå tribuna.

- Sotra er uten tvil divisjonen sitt formlag for tida etter at dei styrka stallen med to spelarar.

- Det kjem til å bli ein tøff heimekamp, men vi gler oss stort, avsluttar Ostrenar Erlend Lyssand.

Os stiller med fullt mannskap og melder om gode treningar den siste tida.

SJÅ TABELL