Blue Experience fekk publikum til å trassa regnet og svinga seg på brygga. (Foto: Kjetil Vasby Bruarøy)

Våt og blå erfaring

Blue Experience fekk folk fram på det våte dansegolvet: Sjå bildeserie frå bryggedansen i Os laurdag kveld.

image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Det kunne vore verre. Temperaturen var ok, vinden var stille, og regnet kunne kome sidelengs.

Tett, samanhengande yr sette likevel sitt preg på Os kommune sin bryggedans i går. 450 billettar var selt fredag, det ville nok kome endå fleire i «døra» om ikkje ein spasertur frå Peppes til Os Sjøfront omtrent tilsvarte ein tur i dusjen.

• Sjå dronevideo og bildeserie frå Statsraad Lehmkuhl sin ankomst

Men det var rigga telt både på brygga og på dekk om bord på Statsraad Lehmkuhl. I seglskuta blei det servert rekebord, på brygga sto Osøyro Kolonial og lanserte TacOs, taco med råvarer frå regionen, som kjøt frå Tysnes, reddik frå Hegglandsdalen og ekstragonmajones med egg frå Bø.

Det var ikkje berre kokkane som leverte, musikken blei servert presis og heilhjarta, og det blei raskt god stemning og tett med folk i teltet nærmast scenen.

Mighty Magnolias fekk det til å svinga med «By The End of the Day», spelte nylanserte «From Higher Ground» og gav publikum den heilt nye låten «There's No Way Out». Eitt par hoppa i det og tok seg ein sving på den våte brygga.

Etter tre kvarter med Mighty sin forsmak pådet dei vil by på på storscenen på Osfest var det veteranane sin tur. Først ut var «Diamond».

– Vi spelte i Fjellheim for 55 år sidan. Og for 53 år sidan. Vi speler akkurat same musikk no!

Med «I'll do my crying in the rain» blei det dansing. Då Blue Experience, med bursdagsbarn på trommer (Willy Håland), overtok scenen, blei det dans frå første strofe. Blue Experience spelte frå klokka 21 og var også på scenen igjen for å runda av dansen frå klokka 23.

Midtsiden kjem tilbake med video frå bryggedansen.

Fleire saker

bilde-midtsiden

Lite stemte for Os

17. oktober 2017

Det stemte verken framover eller bakover då Os møtte Fyllingen.

bilde-midtsiden

Bil i fjellveggen

17. oktober 2017

Ein mann er køyrd til legevakt etter ulykke nær Nordvik.

bilde-midtsiden

Først Stord - så Os

17. oktober 2017

Komipris-vinnar Christine Hope er i ferd med å starta vestlandsturneen sin.