Sport | 30. okt. 2009

Ventar storinnrykk

1000 på tribunen, auka vakthald, fleire kioskar, ordførar-duell i pausen og drama på banen. Os Turn Fotball førebur seg på storinnrykk laurdag. Laga er også godt førebudd.

Ventar storinnrykk
Kjetil Vasby Bruarøy
Kjetil Vasby Bruarøyfredag 30. okt. 2009 11:07

Kamp om opprykk:
Os - Austevoll
Kuventræ laurdag 31.10 kl 14.00.

Førre helg tapte Os 2-1 borte for Austevoll. I morgon treng dei 1-0-siger eller betre for å rykka opp til 2. divisjon. Ved 2-1 blir det ekstraomgangar, ved 3-2-siger tar Austevoll plassen i 2. divisjon.

Ordførar Terje Søviknes oppfordrar osingane å møta på Kuventræ laurdag.

- Førre helg var det veldig god stemning, no er det heimekamp og avgjerande. Austevollingane stiller med buss og båt, vi må passa på å få tribunen gulast mogleg i morgon!

Søviknes skal også i elden, straffespark-tapet (1-3) for Austevoll-ordførar Helge André Njåstad i pausen i bortekampen til Os skal revansjerast.

- Men det viktigaste er at spelarane våre vinn, seier Søviknes.

- Håpar på 1000 på tribunen
Formann i Os Turn Fotball, Leif Gunnar Borgen, har brukt veka på å førebu anlegget på Kuventræ på storinnrykk.

- Under heimekampen mot Hovding i 2006 var det rundt 800 tilskodarar. Under bortekampen førre helg var det til saman 750 på tribunen. Sidan dette er avgjerande kamp, og rundt 200 kjem med bussar og båt frå Austevoll, trur eg vi får rundt 1000 tilskodarar i morgon, seier han.

- Dessutan er det venta rundt 30-40 frå Valestrand, som rykker opp til 3. divisjon til fordel for Os 2 dersom A-laget til Os ikkje rykker opp. Det kjem nok også nokre nøytrale tilskodarar, frå andre klubbar i Hordaland.

Det blir auka vakthald og tre kioskar på Kuventræ. Den opprinnelege kiosken får selskap av ein i redskapsskuret og Cold Cat-bua, som skal plasserast under klubbhuset. Vaktana er på plass frå klokka 12, sidan austevollingane som kjem med buss kjem i 12.30-tida.

God treningsveke
Trenarane Øyvind Pedersen og Frank Hellevik fortel begge om ei god veke med førebuing til kamp.

- Vi har trent på grasbane utan lys, men fekk rigga til ei midlertidig løysing med arbeidslys frå nokre liftar. Stallen er frisk og klar og førebudd på ein tett og spennande kamp, seier Pedersen.

- Vi har hatt ei god treningsveke og stemninga og optimismen i gruppa er svært god. Onsdag kopla vi av med bowling, der Baste Jonassen vann med 144 poeng, seier Frank Hellevik.

Måndag spelte det som truleg blir startellevaren i morgon ein kort treningskamp mot øvrige 11, og vann den 20 minutt lange kampen 6-0.

- Kva blir viktig i morgon?

Pedersen: Å skåra mål og å halda roen. Vi har fleire rutinerte spelarar, og eg satsar på at dei er med på å halda konsentrasjonen oppe gjennom kampen. Det laget som held hovudet kaldast er 2. divisjonslag i morgon ettermiddag.

Hellevik: Vår defensive struktur, og det å ta ut alle kreftene i det som blir ein fysisk krevjande kamp, blir viktig.

Kva blir resultatet?
Verken Austevoll-trenaren eller Os-trenaren vil tippa resultat i morgondagens kamp. Vi spurte Terje Søviknes og Leif Gunnar Borgen, og begge satsa på 2-0 og opprykk til Os.

Underteikna trur Os kjem til å skåra mange mål i morgon. Dei har vunne uviktige kampar 5-0 og 4-0, sjølv om det har vore sjansesløseri i siste halvdel av kampane. Os har normalt vore best i andre omgang i år, noko dei ikkje var førre helg, men som dei truleg har justert på til morgondagens kamp.

Men eg trur ikkje dei klarar halda buret heilt reint. Skårar Os det første målet blir det kanskje null baklengs, viss ikkje tippar eg 4-1.

Stallane
Ingen av laga har startellevaren klar. Begge lag startar med 11 og har 7 på benken.

For Austevoll kjem 18 av desse 20 til å stilla klare til kamp, på bane eller benk, på Kuventræ i morgon:
1. Harald Østervold
2. Kristoffer Østervold
3. Amund Hatlevik
4. Andreas Risøy
5. Lars Herman Drivenes
6. Jon André Njåstad
7. Aleksander Dale
8. Håvard Vassnes
9. Øystein Storebø
10. Frode Storebø
11. Stig Storebø
12. Brede Storebø
13. Tord H. Skår
14. Ansgar Kalvenes
15. Inge André Rabben
16. Joakim Mellingen
17. Trond Heggestad
18. Kurt Hovland
19. Daniel Aga
20. Kristian Møgster

Os sin stall
1. Halvard Enes
2. Kjetil Hansen
3. Mats Lepsøe
4. Anders Glesnes
5. Einar Algrøy
6. Per Søgnen Merai
7. Dani Alvær Bergstø
8. Remi Osebakken
9. Preben Borgen
10. Frode Buvik
11. Tore Valvik
12. Stian Lunde
13. Vegard Leikvoll Moberg
14. Christian Almeland
15. Torkel Hjertnes
16. Erik Kanestrøm
17. Ramo Racic
18. Christer Olsen



Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.