– Vern om verdiane i hamna

Torsdag morgon fekk politiet melding frå ein som sakna noko utstyr frå båten sin, som ligg i marinaen i Hatvik.

– Det var ikkje så dyrt utstyr, ei båtshake, men det er ein påminnar om at vi no går inn i ei tid der tjuveri av båt og frå båt dessverre er meir vanleg, seier politioverbetjent Audun Hadler-Olsen.

I helga blei ein Uttern med innanbordsmotor stolen frå Nordvik og funnen på Korkeide, utsett for mykje skadeverk.

Med mindre trafikk i hamna og mørkare kveldar har dei som har uærlege ærend betre arbeidsforhold.

– Vi oppmodar båteigarar å ta verdisaker heim og å halda eit auge med båten. Vi er òg glade for at båtfolk og naboar til båthamner ofte er merksame, og gjerne følgjer med både på båtane i nabobryggene og kven som ferdast i hamna.