– Vi var utolmodige og unøyaktige

Os har i dag spelt sin andre treningskamp. Førre helg blei det eit knepent 3-4-tap for Brann 2, i dag sto nok eit andrelag som motstandar.

• Les òg: Sjå kven Os møter i NM-kvalik

– Haugesund 2 stilte med eit ungt og godt lag som verkeleg var til stade i kampen.

Haugesund 2 kom på 5. plass i avdeling 6 og berga så vidt plassen. I 2017 er dei motstandarar med blant andre Os og Lysekloster i Regionsligaen avdeling 4.

– Vi starta bra, og Øystein (Takle Eide) hadde ein stor sjanse på 0-0, men vi blei for utolmodige og unøyaktige i spelet vårt, synest spelande hovudtrenar Hassan El Fakiri.

Haugesund 2 - Os 2-0 (1-0)
Os: Anders Fossen Lunde - Endre Brenne (Trym Hjørnevik), Adrian Valle, Preben Skorpen, Knut Spangelo Haga (Harry Moore) - Hassan El Fakiri (Torgeir Lunde), Rafael Villén (Vegard Hjelle) - Marius Mikkelsen (Thomas Lunde Fosen), Steffen Ljosheim (Glenn Krossøy) - Christoffer Havsås (Enrique Crespo Søvik) og Øystein Takle Eide (Anders Havsgård).

– Alle vi hadde med oss fekk speletid. Vi gjorde ein del byte i pausen, andre kom inn etter 60 minutt. Ungdomen klarte seg bra, seier El Fakiri.

Os speler neste treningskamp om to veker, då mot Fyllingsdalen. Same dag speler Lysekloster mot Åsane.