– Vi veit ikkje kven som eig båten

Sameiget i Lepsøy Skjærgårdspark etterlyser eigar av ein seglbåt.

– Den hamna i marinaen vår fredag formiddag og var rimeleg dårleg fortøydd, fortel leiar i sameiget, May Moberg.

Den låg fortøydd med berre ein tynn hyssing, og utan fender.

– Ein annan båteigar har fortøydd båten betre, men vi veit ikkje kvifor den er her, eller om nokon saknar den etter stormen vi hadde før helga.

Om du veit kven sin båt det er kan du kontakta Moberg på telefon 979 66 273.