Vikla seg fast

I helga starta hjortejakta i Os og eit jaktlag på Skogafjellet (bak Ulven Leir og Svegatjørn) fann restane etter eit dyr som har lidd ein langsam og smertefull død.

– Dei fann beinrestane og geviret då dei gjekk på jag. Bukken har tydelegvis vikla seg inn i den tjukke strengen og stått der til den svalt i hel, seier Espen Andersen.

Andersen var ikkje med då dyret blei funne, men fekk sjå restane då kameratane tok skallen med ned frå fjellet.

– På undersida ser vi korleis strengen har gnagd seg inn i kraniet, truleg når hjorten har prøvd å slita seg laus. Den kan ha stått sånn i fleire veker før den omkom.

– Dette er ein tankevekkar for oss som ferdast mykje i skogen, ser du noko som dyr kan vikla seg inn i så gjer ein innsats for å rydda det vekk, seier Andersen.

Midtsiden samleside: Jakt og fiske