Lokal | 29. okt. 2014

Vil bygga ut for 220 millionar

Budsjett 2015: Rådmannen forslår to-trinnsutbygging på Luranetunet med oppstart i 2015.

Vil bygga ut for 220 millionar
Luranetunet står framfor ei storstilt utbygging dei kommande åra (foto: Andris Hamre)
Andris Hamreonsdag 29. okt. 2014 14:28

Kommunalsjef for helse, omsorg og beredskap Nils Petter Borge ba i tenesteutvalet i mai om hjelp til å finna ut kor mykje Møllers tran kommunen skal ta i samband med utbygging av Luranetunet omsorgssenter.

No har rådmannen komme med si tilråding på doseringa.

40 plassar innan 2017

I investeringsplanen for 2015-2020 foreslår rådmann Knut Terje Rekve at kommunen nyttar 30 millionar i 2015, 60 millionar i 2016 og nye 30 millionar i 2017.

– Etappe I vert starta opp i 2015. Det er lagt inn 120 mill. kr til etappe 1, som skal ferdigstillast i 2017.

– Prosjektet er no på planleggingsstadiet, og ein ser for seg 40 plassar med heildøgns omsorg, skriv rådmannen i framlegget.

Ytterlegare utviding i 2020

I tillegg ser rådmannen for seg ei to-trinnsutbygging kor andre trinnet tek til i 2020 med nye 50 millionar. Rådmannen skisserer ei totalrammefor båe byggetrinna på 220 millionar.

– Med den store folkeveksten kommunen har vil det på sikt vera trong for ytterlegare tilvekst i talet på plassar med heildøgns omsorg, sjølv om kommunen i stor grad vil satsa på heimebasert omsorg.

– Rådmannen har difor lagt inn 50 mill. kr i 2018 som oppstart av etappe II.

Utbygginga av Luranetunet omsorgssenter vil utløysa relativt store statstilskot, slik at den reelle kostnaden for kommunen vil bli vesentleg lågare. I 2014 har den statlige tilskuddsandelen dekka i gjennomsnitt 50% av investeringskostnadane.

Auka driftskostnader

Rådmannen er i budsjettframlegget tydeleg på at den utbygginga kommunen no står overfor vil kosta også på driftsbudsjettet.

– Noko er satt av i budsjettet for 2015, men vi må pårekna ein auke også i 2016.

Rekve har difor styrka Pleie- og omsorg med fire stillingar, fortrinnsvis mot open omsorg kor ein allereie no merkar eit stort press.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.