Vil støtta barn og unge

Dei siste åra har Lions Os bidrege med midlar frå tulipanaksjonen til skatepark både på Kuventræ og Søre Neset.

– Å jobba med gode haldningar og motivere barn og unge til å velgje ein positiv livsstil, er ein viktig sak for oss i Lions.

– Difor har vi dei tre siste åra vore ein pådrivar for å byggje og tilretteleggje for barn og unge med interesse for skating, fortel Franzie Lerch, distriktsguvernør i Lions Os.

Over 1 million tulipanar

Tulipanaksjonen er ein landsomfattande aksjon i Lions som arrangerast for 32. gong. Over éin million tulipanar skal delast ut som kvittering på publikums bidrag på 100 kroner til forebyggande arbeid mot rusmisbruk blant barn og unge.

– Vi håpar mange vil støtte oss ved å kjøpa ein bukett på dei plassane vi står laurdag.

– Pengane vi får inn lokalt skal benyttast til aktivitetar som sysselsett barn og unge, spesielt på fritida, avsluttar Lerch.