Vil utviding gje handelslekkasje?
Vil ei utviding av Kiwi Moberg gje handelslekkasje frå sentrum eller vera eit godt miljøtiltak for mindre biltrafikk?
Det blei mykje av debatten då Plan- og bygningsutvalet hadde 1. gongs handsaming av endringar i reguleringsplanen for Kiwi Moberg. Butikkjeda har kjøpt nabotomta og søkjer no om å få utvida butikken noko, samt å få ein større parkeringsplass.
– Dette ser ut til å gje betre trafikkforhold. Her er det berre å kjøra på, kommenterte Torill Keys (Ap).
Det siste var ikkje Terje Sperrevik (Tvs) heilt einig i og ønska ein debatt om kva vil ei utviding på Moberg gjera i høve Os sentrum.
– Eg er engsteleg for handelslekkasje frå Os sentrum og opp der.
– Vi flyttar litt og litt ut fra sentrum og til fleire plasser rundt i bygda.
– Det heile starta med Flåten, så har Meny og no ei utviding på Moberg.
– Hadde det ikkje holdt med den butikken som er der, som ein nærbutikk, undra Sperrevik.
– Mindre transport er grøn politikk
Den uroa fekk han lite støtte frå dei andre i utvalet på. Sjølv Harald Døsen frå Ap, som ofte står saman med Sperrevik i plansaker var ueinig.
– Eg er heilt ueinig med deg Terje.
– Den første som flytta daglegvarehandel ut av sentrum var Drageset i si tid, då til Haugsneset og etterkvart over heile vestlandet.
– Eg trur ikkje ei utviding på Moberg vil gje handelslekkasje.
– Om vi derimot får handelen ut i krinsane, så reduserar vi transportbehova ganske mykje. Slik sett er dette grøn politikk, meinte Døsen, noko Sperrevik kunne si seg einig i.
Eit samrøysta plan- og bygningsutval gjekk inn for å leggja planforslaget ut til offentleg høyring.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.