Walberg klar for Lysekloster

Lysekloster signerte i dag med Mats Walberg.

– Det er ei kanonsignering. Han har spelt på høgt nivå og er ein god tilvekst, seier sportsleg leiar Svein Kollen.

Walberg er 25 år og kjem frå Fana. Han starta si karriere i Gneist, før vegen vidare gjekk til Brann, Fana, kor han spelte 70 a-lagskampar, vidare til OBOS-klubben Bærum før han igjen spelte på vestlandet for Nest Sotra kor han fekk 39 kampar.

Flytta heim

Han har den siste sesongen spelt for den færøyske klubben Tvøroyrar Bóltfelag (TB). Han flytta i haust heim til Bergen for å ta fatt på vidare utdanning ved UiB.

– Det var ingen som visste at han var kome heim igjen, fortel Kollen.

– Korleis fekk de vita det då?

– Han trente litt med oss i vinter før han reiste til Færøyene, så vi kjente til han.

Walberg er motivert for fotball og vil vera eit viktig tilskot på midtbanen til Lysekloster.

– Alle tipper vi skal rykka opp. Skal vi klare det, så må vi svara på overgangsmarkedet, avsluttar Kollen.

Walberg har signert eittårskontrakt med Lysekloster.