12-åringane viser veg
Bilder: For femte året på rad reiser Os Turn til Hamar på handballcup. Etter fredagens kampar har 12-åringane vist kva det bur i osingane.
Bildeserie:
Tradisjonen tru reiste Os Turn fredag morgon med ein stor delegasjon til Hamar. Heile 134 spelarar og lagleiarar nytta finvêret fredag til å sitta på toget til Oslo, før NSB måtte tilby dei bussar frå houvdstaden til Hamar.
Berre ein liten time etter ankomst var ei første laga i sving i Vikingskipet, og det var den yngste klassen med sluttspel (Jenter/guter 12) som viste korleis det skulle gjerast.
Gutane var først ute. Etter at dei vann Vårspretten i Haukelandshallen for to veker sidan har dei i allefall sjølv stor tru på at dei skal ta seg heile vegen til finalen på sundag. I møte med Furnes viste dei at dei meinar alvor. Hedmarkingane blei feid av banen med heile 12-2.
Dei jamngamle jentene ville ikkje vera noko dårlegare då dei entra bana ein time seinare. Raskt tok dei leiinga 3-0 over Oslo-laget Bjørndal. Litt nervøse og stressa etter den lange reisa lot dei Oslojentene få sleppa litt meir inn i kampen, men også jentene viste at dei er eit sterkt Os-kort i turneringa og vann tilslutt 4-2.
Os sine resultat:
G14: Os - Tiller 15-25
G11: Os - ROS 0-6
G12: Os 1 - Furnes 12-2
G12: Os 2 - ROS 1 5-8
J13: Os 2 - Strømm 6-7
J11: Os 2 - Strømm 3-4
J12: Os - Bjørndal 2 4-2
J13: Os 1 - Ottestad 2 7-3
J14: Os 1 - Ottestad 7-10
J11: Os 1 - ROS 10-5
J14: Os 2 - Byåsen 1 16-8
Turneringa held fram i morgon. Midtsiden er på plass og kjem tilbake med fleire resultat og rapportar.