12 av 27 fekk bruksforbod

Tysdag har Statens vegvesen hatt kontroll på Halhjem ferjekai.

– Vi sjekka både lastebilar, varebilar og personbilar på veg av og på ferjene, seier Inge Knappskog frå Statens vegvesen.

Det var snø på vegane i låglandet og glatt over blant anna Vallaheiane. Kjetting og dekk blei derfor eit aktuelt tema på kontrollen.

12 av 27 kontrollerte bilar fekk, av ulike årsaker, bruksforbod.

Meldt til politiet grunna tung overlast

– Mest alvorleg, når det kjem til dekk, var ein varebil med slitte sommardekk framme og piggdekk bak.

– Ein annan varebil hadde 700 kilo overlast. Passerer du 500 kilo overlast blir du meldt til politiet.

Det blei skrive gebyr for ikkje mdbrakt førarkort, to gebyr for liten mønsterdjupne og eitt for manglande kjetting.

– Ein trailer mangla kjenneteikn framme, men hadde både på trekkvogn og hengar, og fekk køyra vidare etter å ha flytta det eine skiltet fram. Det er viktig å ha skilt framme, både med tanke på bompengar og fotoboks.

Kontrollresultat:
2 stk gebyr for liten mønsterdybde
1 stk gebyr mangla kjetting
1 stk gebyr ikkje medbrakt førarkort
1 meldt og krav om avlasting av varebil med 700kg overlast
1 bruksforbod pga ulik dekkutrustning, piggdekk bak og sommardekk framme på kjøretøy under 3500kg
1 bruksforbod pga manglende kjettingar
2 bruksforbod pga mangelfull lastsikring
2 bruksforbod grunna sikthemmande bord i frontrute
2 bruksforbod pga skjenerande lysutstyr i frontrute
1 bruksforbod pga tilsmussa baklys
1 bruksforbod pga manglande kjennemerker framme
1 bruksforbod pga løse bolter i svingkrans
3 mangelsedlar med krav om etterkontroll pga tekniske feil/manglar