Lokal | 12. okt. 2014
16 gongar utan førarkort
Mannen som blei stoppa i ein gull-limo på Halhjemsvegen i fjor er no dømt til fengsel.
Kjetil Vasby Bruarøysundag 12. okt. 2014 21:05
Onsdag morgon 24. april i fjor blei ein mann stoppa i ein gullfarga limousin på Halhjemsvegen.
Førar var mistenkt for både promillekjøring og kjøring utan førarkort.
Les òg: Førar tigga pengar - eigar leiter etter limoen
Det viste seg at føraren av bilen, ein 32 år gamal mann frå Sandnes, hadde 0,6 i promille.
Vedkomande møtte ikkje opp då Nordhordland tingrett tok avgjerd i saka mot han.
Der kom det fram at mannen er dømt for kjøring utan førarkort heile 15 gongar tidlegare. To gongar tidlegare er han dømt for promillekjøring.
Han er no, ifølgje BA.no, dømt til fengsel utan vilkår i 60 dagar og til å betala 3000 kroner i bot.