23 har søkt kontantstøtte

Då kommunestyret handsama budsjettet for 2012 i desember i fjor foreslo Helge Olav Nygard (Krf) å innføra kommunal kontantstøtte for toåringar. Forslaget kom som følgje av at regjeringa hadde vedteken å fjerna den statlege kontantstøtta til barn mellom to og tre år. Detaljane i den kommunale kontantstøtta blei vedteken i mars 2012 med verknad frå august 2012.

- For å få kommunal kontantstøtte må foreldra søkje, seier Irene Ullensvang, Barnehagefagleg rådgjevar.

Den kommunal kontantstøtta er ei yting for barn mellom to og tre år som ikkje nyttar barnehageplass og som er busett i Os kommune.

11 i løpet av sommaren

Den første søknaden kom allereie i april.

- Ved byrjinga av juli var det kome 12 søknadar som var handsama.

- Per i dag har vi motteke 23 søknadar. Vedtak om støtte vert fatta for max eitt år og innvilga beløp vert overført til søkjaren i byrjinga av kvar månad, forklarar Ullensvang.

"Alle" søker

Tala Ullensvang sit på tyder ikkje på at det er einskilde grupper i kommunen som søkjer om støtta.

- Søkjarane representerar alle innbyggjerane i Os kommune.

- Når vi mottek søknadane sjekkar vi dei opp mot barnehageprogrammet vårt, om dei ligg inne med søknad til barnehageplass, om dei har fått tilbod om barnehageplass eller om dei er registrert med plass i barnehage.

- Dersom ein nyttar plass i barnehage, uavhengig av opphaldstid, kan ein ikkje motta kontantstøtte frå kommunen, presiserar Ullensvang.

Halvparten med barnehagesøknad

Omlag halvparten av dei som har søkt står registrert med søknad til barnehageplass. Fem av desse har motteke tilbod om barnehageplass, men har takka nei til den plassen dei har fått tilbod om og står framleis på venteliste med ny behovsdato. Resten av søkjerane har ikkje søkt om barnehageplass.

- Om ein får barnehageplass eller flyttar frå kommunen mister ein retten til kommunal kontantstøtte, påpeikar Irene Ullensvang.

Les óg: Vil gje kommunal kontantstøtte