midtsiden

3-3 i treningskamp

- Dette var ei god, fysisk gjennomkjøring før sesongstart, seier Frank Hellevik om Os sin treningskamp mot Baune tysdag kveld.

Av: Kjetil Vasby Bruarøy

I førre veke lånte Os Baune-spelarar for å ha nok folk til å spela treningskamp mot serieleiar i naboavdelinga, Austevoll. Medan store delar av A-laget spelte Norway Cup slo Os Austevoll 3-2.

Laurdag startar Os haustsesongen med heimekamp mot Norheimsund, tysdag kveld var det treningskamp på bortebane mot Baune.

- Dette var også ei fysisk gjennomkjøring for spelarane, der vi delte opp i to ganske like lag til kvar sin omgang, og dei som ikkje spelte hadde intensiv løpetrening, fortel hovudtrenar Frank Hellevik.

Baune ytte motstand
Os tok leiinga etter gjennomløp og skåring ved kaptein Stian Lunde. Men dette var også siste gong Os leia i kampen.

- Vi hadde spelet, men gjorde det kanskje litt vanskeleg. Baune var gode og farlege på kontringar, meiner Hellevik førre klubben han trente.

Baune utlikna og tok leiinga, men eit frispark av Preben Borgen gjekk rett i nota, så det sto 2-2 til pause.

I andre omgang tok Baune leiinga igjen. Os utlikna før slutt ved Per Søgnen Merai, som skåra etter frispark av Tore Valvik.

- To jamne Os-lag presterte godt og fekk ei fin treningsøkt av opplegget. Formen ser ut til å sitja, og laurdag er vi klare for å jakta på nye poeng, seier Hellevik om laget som ligg 7 poeng framfor nummer to på tabellen, Tertnes.

Vanskeleg å velja
Blant aktuelle spelarar sto keeperane Halvard Enes og Kjetil Hansen over treningskampen. Det gjorde også Tim Henrik Sperrevik, Einar Algrøy, Christer Olsen og Baste Jonassen.

- Men alle skal vera speleklar til laurdag, bortsett frå Christer, som truleg ikkje blir frisk til komande helg.

Hellevik seier uttaket til Norheimsund-kampen blir vanskeleg, og at dei plassane på laget der det er jamnast melom spelarane er på kant og sentral midtbane.

Spelarane blei delt i desse laga til treningskampen mot Baune tysdag:

1. omgang (4-3-3): Anders Solberg Strønen, Martin Eidsvik (h.b.), Vegard Borgen, Per Søgnen Merai, Mats Lepsøe (v.b.), Vegard Leikvoll Moberg, Stian Lunde, Preben Borgen, Sven Lyssand, Ramo Racic og Andreas Bjørnen.

2. omgang (4-3-3): Marcus Dalland, Anders Glesnes (h.b.), Kristoffer Sande, Per Søgnen Merai, Remi Osebakken (v.b.), Frode Buvik, Tore Valvik, Erik Kanestrøm, Felipe Kaka, Torkel Hjertnes og Christian Almeland.

Fleire saker