3 x vestlandsmeistrar

Laurdag var Os karateklubb arrangørar av vestlandsmeisterskapet i karate i Laksevåghallen. I tillegg til å sørgje for eit vellukka arrangement forskynte dei seg godt av premiebordet.

– Vi stilte 5 utøvarar pluss to i barneklassa.

– Det var første gong på mange år det var deltakarar i alle klassene, fortel Vidar Mjånes.

Gull til Amanda, Aner og Armin

Ungdommane var utan tvil dei som gjorde det skarpast i ei tøff konkurranse.

– Amanda Njøten blei vestlandsmeister i kumite for jenter 16-17 år. I tillegg tok ho sølv i kata.

– Aner Palislamovic blei vestlandsmeister i kumite for gutar 16-17 år. Han deltok ikkje i kata denne gong.

– I tillegg blei lillebror, Armin Palislamovic, også vestlandsmeister i kumite for 14-15 åringane. I kata fekk han 4. plass, fortel Mjånes.

Harde, jamne kampar

Elena Andres tok sølv i både kumite og kata for kvinner senior, Vegard Gjøsund tok sølv i kumite herrer senior.

– I tillegg blei Martin Sæterhaug fra Rana karate klubb som studerar i Bergen, og som regelmessig trenar med oss i Os karateklubb, vestlandsmester i kumite herrer senior.

– I barneklassa deltok Ida Bakke og Lars Eirik Vevatne.

– Der er det ikkje rangering, men dei fekk god erfaring på stemnet.

Mjånes fortel at alle har heva seg betrakteleg frå forrige stemne.

– Dei leverte alle gode kampar.

– Imponerande er det at dei klarar å vinne jamne harde kampar, noko som det var mange av på laurdag.

– Det lovar godt med tanke på oppkøyringa til NM i Haukelandshallen om to veker, avsluttar Mjånes.