30 elevar i karantene ved Os vgs

Os vidaregåande skule har i dag informert elevar og foreldre om eit smittetilfelle ved skulen.

– To lærarar og 30 elevar er i karantene, seier rektor Johan Henrik Lassen til Midtsiden.

Dei to klassane er i VG1. Alle andre elevar skal møta på skulen i dagane som kjem.

Karantena gjeld til 14. november. Dei som er sett i karantene blir oppfordra å testa seg.

• Les òg: – Dei unge smitta er nesten utan symptom (+)

Skulen har hatt planleggingsdag og seinare raudt smittevern-nivå, så eleven har ikkje så mange nærkontaktar.

– Vi har fått hjelp av Bjørnafjorden kommune til smittesporing og oppfølging, seier Lassen.

Assisterande kommuneoverlege Jonas Nordvik Dale fortel at eleven bur i ein annan kommune og har testa seg der.

• Les òg: 8. trinn ved Os ungdomsskule i karantene