36 hus blir utan vatn i natt

Søndag blei det oppdaga eit større vassleidningsbrot på Skeisflaten.

– Rundt 100 kubikk (100.000 liter) med vatn rann ut, fortel avdelingsleiar i teknisk eining i Bjørnafjorden kommune, Agnete Haugland.

36 husstandar er ramma.

Desse ligg frå avkøyrsle til Skeismyra (skulane) og nordvest mot Irgenskrysset og Hjorthaugen.

(Artikkelen held fram under bildet)

– Alle fekk varsel før vi stengte av vatnet, eg håper dei har fått tappa ut noko vatn. I tillegg har vi køyrd ut ei vogn med vatn som dei kan henta frå.

Leidningsbrotet er lokalisert, men arbeidet med utbetring er foreløpig ikkje starta.

– Det startar nok ikkje før i morgon tidleg. Bergen Vann er opptatt med eit større vassleidningsbrot i Fana.

Teknisk eining vil oppdatera kommunen sine heimesider med informasjon.