4 medaljar i Hellas

Den siste veka har 11 deltakarar frå Os Karateklubb vore i Hellas for å kjempa om EM-tittelen i karatestilarten Wado.

Åsmund Slettevold deltok fredag i kata (mønster), og der blei det både finaleplass og sølvmedalje!

Laurdag var det kamp og der var det fleire som kom langt.

Henrik Reed-Larsen og Vegard Gjøsund fekk bronse i kvar sine klassar og Tiril Skønberg Haaland deltok på jentelaget som fekk sølv i lagkamp.

Veteran Vidar Mjånes gjorde comeback og tok seg til semifinale, men skadde motstandaren og blei utvist.

– Eg leia 3-0 då eg svippa motstandaren i bakken, og han landa litt uheldig og skadde seg så han ikkje kunne halda fram, fortel Vidar, som elles syntes det var kjekt å konkurrera igjen.

I solidaritet med den skadde motstandaren gjekk ikkje Vidar bronsefinale, som kunne ha sikra ein femte medalje til klubben.