Sport | 01. aug. 2011

4. plass i nordisk

Markus Slettebakken, som var nordisk meister som junior, var søndag nær på å ta sin første nordisk-medalje i senior.

4. plass i nordisk
Kjetil Vasby Bruarøy
Kjetil Vasby Bruarøymåndag 01. aug. 2011 10:12

I 2009 vann han både junior-NM og juniorklassen i nordisk meisterskap, året etter blei han skubba av skuteren og knekte tre ribbein i forsøk på å bli nordisk meister i senior, eitt år før tida.

I helga var Markus Slettebakken, som førsteårs senior, utanfor Tampere i Finland for å delta i årets kamp om tittelen nordisk meister.

– Det starta bra med 2. plass då vi kjørte om pole-position fredag, altså kampen om kven som skal få starta på dei beste plassane, fortel Markus.

Så var det to teljande heat, eitt laurdag og eitt søndag.

– Det blei 3. plass laurdag og 4. plass søndag. Sidan eg hadde same poengsum som han som fekk 4. plass laurdag og 3. plass søndag blei siste dag teljande, så der glapp medaljen, fortel Slettebakken.

Nesten trippel-norsk

Han er nøgd med eigen prestasjon, men synes det var litt synd å lata medaljen glippa til ein svenske.

– Sidan Stian Schetlein kom på 2. plass og trenaren min, Ronny «Smurfen» Mangerud, vann, så kunne eg ha sikra trippel norsk. Det ville vore kjekt.

Betre mentalt

I starten av juni var Markus i Sverige for å ta service på vassjeten. Samstundes deltok han i svenskecupen, der han vann sitt første seniorgull.

– Eg blir verande i Sverige for å trena på veg heim til Os, og får med meg også årets andre svenskecup, som går førstkomande helg, fortel Slettebakken.

– Formen ser ut til å vera fin for tida, kva har du blitt betre på?

– Det er nok det mentale, det å visualisera kva eg skal gjera og halda konsentrasjonen oppe gjennom heile løpet, fortel Markus.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.