5 heimekampar på 20 timar

Medan A-laget til Os speler toppkamp borte mot Sandnes Ulf og Os 2 speler borte mot Lyngbø 2 søndag speler Lysekloster, Lysekloster 2, Søre Neset, Nore Neset og Søfteland heimekampar fredag eller laurdag.

Alle utanom Søre Neset, som blant anna speler på Kuventræ mot Os 2 fredag 22. juni, har dette som sin siste kamp før ferien.

I tillegg avsluttar damelaget til Os vårsesongen med heimekamp mot tabelljumbo Telavåg søndag (kl 18).

Her er herrekampane:

Fredag 19.30 Lysekloster - Telavåg (4. div avd 2)
Lysekloster leier tabellen med 6 poeng framfor Brann 3, som har éin kamp mindre spelt. Dette er Lysekloster sin siste før ferien.

Laurdag 13.00 Lysekloster 2 - Ny-Krohnborg 2 (6. div avd 1)
Lysekloster 2 ligg på 3. plass eitt poeng bak serieleiar Minde før vårsesongens siste, som går mot eit botnlag.

Laurdag 13.00 Nore Neset - Libido (6. div avd 1)
Nore Neset ligg på 4. plass på tabellen 3 poeng bak serieleiar Minde før dei rundar av vårsesongen med kamp mot eit lag frå 8. plass.

Laurdag 15.00 Søfteland - Hausvik (6. div. avd 4)
Søfteland klatra på tabellen og ligg a-poeng med serieleiar Fotlandsvåg etter 2-1-siger over Baune 2 søndag. Laurdag er siste kamp før ferien.

Laurdag 13.45 Søre Neset - Rosendal (5. div avd 3)
Søre Neset ligg nedst på tabellen og møter Rosendal på 10. plass. Søre Neset sin neste kamp er på Kuventræ mot Os 2 fredag 22. juni (kl 18).