60 år med STIL

Friidrettsgruppa til Søfteland Turn og Idrettslag hadde fredag kveld medlemskveld og 60-årsmarkering. Gruppa blei oppretta i romjula 1952.

Det møtte i overkant av 20 personer. Friidrettsgruppa har førebels satsa bevisst på ungdom, junior og senior for å prøva å bremsa fråfallet frå idretten. Vi veit at fråfallet er størst i ungdomsgruppene.

Friidrettsgruppa satsar på å skapa eit godt og triveleg treningsmiljø, der alle skal vera velkomne uansett nivå. Vi trur at vi langt på veg har lykkast med det. Det er utøvarar frå fleire klubber, også utanfor Os, som er nysgjerrige på kva vi driv med.

Vender dei seg til oss blir dei invitert til å trena med oss i ein periode. Enten dei etter ein periode vil flytta over til oss eller ikkje, får vi verdifulle tilbakemeldinger som vi tar med oss.

Laurdag formiddag klokka elleve møtte alle som ikkje på førehand hadde avtalt andre ting, friske og opplagte til ei to timar lang treningsøkt.

Einar Vevatne