7-0 på kunstgras

Bildeserie:

1 av 6

Os sitt A-lag innvia i dag kunsgrasbanen som sto ferdig i vår - med 7-0-siger over Trio.

- Vi var nok nærmare 20-0 enn 7-1, seier Os-trenar Frank Hellevik.

Os var nemleg åleine med keeper åtte gongar utan å skåra, dei hadde eitt skot i tverrliggar og dei lagde ein haug med offside.

- Nettopp dette fokuserte vi på i pausen, å vera litt meir tålmodige. Men det hjelpte ikkje så mykje. Likeve er vi sjølvsagt nøgd med å vinna 7-0 i ein kamp som ikkje betyr noko.

Ikkje tung
På bortebane mot Trio redda Os full pott med 1-2-skåring på slutten av kampen. I dag var det fullstendig overkjøring.

- Dei var dårleg organisert medan vi var veldig innstilte på å jobba heile kampen gjennom. Vi har hatt hard trening i det siste, så eg er overraska over at ikkje dei var tyngre i beina. Det er først no vi slepp opp for å toppa fram mot kvalik-kampane.

At Os med uavgjort i førre runde braut sigersrekka som har vart frå april, kan også ha hatt litt å seia for innsatsen i dag.

- Vi har hatt litt å snakka om etter førre kamp, og dette har nok saman med revansjelyst gjort gutane ekstra tent før denne kampen, trur trenaren.

Frå debut til kvalik?
Mats Lepsøe hadde ein god debut i 5-0-sigeren over Odda for to veker sidan. I dag spelte han frå start, skaffa straffe som Tim Henrik skåra på (1-0), hadde målgjevande pasning til Stian Lunde (2-0) og sette sjølv inn 6-0-målet.

- Mats bankar allereie kraftig på døra til laget som skal spela kvalifiseringskampane, han er litt av eit fenomen, seier Frank Hellevik.

I tillegg framhevar Hellevik Per Søgnen Merai, som spelte nok ein prikkfri kamp, og sjølvsagt firemålsskårar Tim Henrik Sperrevik.

- Det var også kjekt å avslutta kampen med tre 92-spelarar på laget. Baste, Erik og Mats har slike haldningar og treningsinnsats at dei leverer på banen som om dei var seniorar.

Karantene på Torkel og Tim
Både Tim Henrik Sperrevik og Torkel Hjertnes fekk gult kort i dagens kamp, noko som gjer at dei må sona karantene i årets siste bortekamp, mot Voss neste helg.

Samstundes har dei sletta gjelda til dei viktige kvalifiseringskampane mot vinnaren av avdeling 14. I denne avdelinga har Austevoll, som nylig slo eit svært A-prega Brann 2, nyleg vunne 4-1 over Baune.

Os - Trio: 7-0 (3-0)
Målskårarar: Tim Henrik Sperrevik (14, 37, 48 og 49), Stian Lunde (18), Mats Lepsøe (86) og Preben Borgen (90).

Os: Halvard Enes, Anders Glesnes, Per Søgnen Merai, Einar Algrøy, Remi Osebakken, Stian Lunde, Preben Borgen, Frode Buvik, Torkel Hjertnes, Mats Lepsøe og Tim Henrik Sperrevik.
Byte, Os: Baste Jonassen for Algrøy (50), Erik Kanestrøm og Tore Valvik for Hjertnes og Lunde (60).

Trio: Thomas Hallquist, Aleksander Ekeland, Ronny Hamre, Henrik Røssland, Fridrik Agustson, Mats Paulsen, Mats Mo, Jan K.Sjo, Øystein Ersland, Raymond Pedersen og Frode Havnerås.

Dommar: Steinar Hauge (Djerv),
Dagens Dolly Dimple-spelar: Tim Henrik Sperrevik.
Tilskodarar: 44

Kampen minutt for minutt på osturnfotball.no

Os spelar borte mot Voss i nest siste kamp for sesongen, heime mot Tertnes laurdag 17. oktober.

SJÅ TABELL